Телеграм канал Храма

Читать в Твиттере

Рубрика: Санкт-Петербург

Скорбим вместе со всеми о погибших в теракте 3.04.17. и молимся о здравии выживших…

Скорбим вместе со всеми о погибших в теракте 3.04.17. и молимся о здравии выживших...

 

МОЛИТВА О ПОСТРАДАВШИХ В МЕТРО ПЕТЕРБУРГА

Владыко Вседержителю, Святый Царю, наказуяй и не умерщляяй, утверждаяй низпадающия, и возводяй низверженныя, телесныя человеков скорби исправляй, молимся Тебе, Боже наш, рабов Твоих всех по злей человечестей воли во граде нашем невинно пострадавших, посети милостию Твоею, прости им всякое согрешение вольное и невольное, сродников их утеши и в любви Твоей сохрани.

Ей, Господи, врачебную Твою силу с небесе низпосли, прикоснися телеси, угаси огневицу, укроти страсть и всякую немощь таящуюся; буди врач рабов Твоих всех по злей человечестей воли во граде нашем невинно пострадавших, воздвигни их от одра болезненнаго, и от ложа озлобления целых и всесовершенных, даруй их Церкви Твоей благоугождающих и творящих волю Твою.

Твое бо есть, еже миловать и спасать ны, Боже наш, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.

МОЛИТВА О УПОКОЕНИИ ПОГИБШИХ

Помяни, Господи Боже наш, рабов Твоих всех по злей человечестей воли во граде нашем невинно убиенных, и яко Благ и Человеколюбец, отпущаяй грехи, и потребляяй неправды, ослаби, остави и прости им вольная их согрешения и невольная, избави их вечныя муки и огня геенскаго, и даруй им причастие и наслаждение вечных Твоих благих, уготованных любящим Тя.
Милостив буди им Владыко, и со святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякаго греха, и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем Отцу и Сыну и Святому Духу, ныне и присно, и во веки веков. Аминь.